Vijojnë largimet nga LSI-ja/ Avokati i njohur ”braktis” Kryemadhin

Lëvizja Socialiste për Integrim po tkurret nga dita në ditë, pasi shumë figura të njohura po largohen teksa na ndajnë pak muaj para zgjedhjeve.

Ditën e sotme avokati dhe biznesmeni Esmerald Xhafa, një nga drejtuesit kryesor të LSI-së në qarkun Korçë, por edhe aktivist ka vendosur të largohet nga partia e Monika Kryemadhit.

Disa ditë më parë ish-ministri i Drejtësisë në kohën e LSI, Nasip Naço braktisi “shtëpinë e tij” dhe iu bashkua PS, ndërsa pohoi se do të kandidojë i pesti për deputet në qarkun e Beratit dhe se është me të majtën progresiste.

Më herët, edhe ish-deputetja e LSI-së, Ediola Braha vendosi t’i bashkohet Partisë Socialiste. Lajmin e bëri me dije ministri i Brendëshëm Bledi Çuçi, i cili u shpreh se LSI-ja po shkon drejt shkërmoqjes totale dhe më 25 prill do të marrë goditjen finale.