Policia i ka vënë gjobë tre shtetasve, pasi u konstatuan duke ushtruar aktivitet në kundërshtim me Aktin Normativ.
Janë ndëshkuar me nga 3 milionë lekë gjobë dy shtetas dhe me 1 milionë lekë një tjetër, pasi u konstatuan duke ushtruar aktivitet në kundërshtim me Aktin Normativ.
Shërbimet e Komisariatit të Policisë Nr. 1, në vijim të kontrolleve të ushtruara në subjekte të ndryshme, kanë konstatuar dy ambiente në të cilët ushtrohej aktivitet në kundërshtim me Aktin Normativ, duke mos respektuar protokollet e sigurisë.
Shërbimet e Policisë u kanë vendosur pronarëve të subjekteve, shtetasve A. C. dhe E. S., masën administrative 3 milionë lekë secilit.
Gjithashtu, policia i ka vendosur masën administrative 1milionë lekë, shtetasit S. L., pronar i një restoranti, pasi u konstatua duke zhvilluar ceremoni festive duke mos respektuar protokollet e sigurisë.
