Ish-banori i “Big Brother 7”, Valer Kolnikaj, përveçse është prej vitesh drejtor i një qendre shëndetësore, punon gjithashtu dhe në Reç. Ai tha pa doreza në emisionin “Abc-ja e mëngjesit” se ka nga ato raste kur të burgosurit shkojnë për ta takuar, e për të shkëmbyer ndonjë bisedë. Siç duket, edhe jashtë “Big Brother”, ai ka ende fansa. Sipas tij, të gjithë të burgosurit janë fansat e tij.
“Të gjithë të burgosurit janë fansat e mi. Kanë qenë që përpara, sepse kam qenë dhe unë i ‘burgosur’ në “Big Brother”, dhe besoj se ata kanë qenë ata që më kanë kuptuar më shumë sesa çdo teleshikues tjetër. Ata duke qenë të kufizuar në monitorim, ata më kanë kuptuar çdo lëvizje dhe gjatë gjithë kohës më kanë pritur shumë mirë dhe puna ime si mjek ka ardhur duke u lehtësuar.
Ka raste që bëjnë zhurmë të madhe dhe kur vijnë tek mjeku, sepse është një largësi e madhe dhe punonjësit e burgut duhet t’i shoqërojnë për të ardhur tek unë. Më thonë “Kam ardhur vetëm për të të parë dhe për të bërë muhabet”. Ndërkohë që ka edhe të tjerë që kanë me të vërtetë nevoja shëndetësore, tek të cilët jam më shumë i fokusuar“, tha Valeri.
