Një kambist në Fier ka rënë pre e një mashtrimi me një shumë të konsiderueshme parash.
Mësohet se ngjarja në fjalë ka ndodhur më 11 shkurt. Një person është është prezantuar në pikën e këmbimit si një shtetas nga Azerbajxhani. Ai kishte kërkuar për të këmbyer para të huaja, me një shumë prej 50 mijë eurosh.
Pika e këmbimit valutor e bëri këmbimin e parave, ndërsa personi në fjalë vendosi paratë në një valixhe. Në momentin që kambisti nuk ka pasur mendjen, ai ka marrë eurot nga valixhja dhe është larguar me arsyetimin se do shkonte në bankë për të sjellë dollarët që do të blinte eurot.
Pas 15 minutash kur e pa që ai nuk po vinte më, kambisti ka kontrolluar valixhen dhe ka kuptuar se kishte rënë pjesë e mashtrimit.
Ai ka njoftuar menjëherë policinë por edhe pse kanë kaluar disa javë, nuk ka asnjë të gjurmë të grabitësit.
