Para nisjes së dëgjesë publike të kreut të Bashkisë së Tiranës Erion Veliaj me artistët për çështjen e shembjes së Teatrit, një grup të rinjsh të FRPD-së e qëlluan me vezë.
Veliaj në takimin me artistët ka reaguar dhe në lidhje me ‘sulmin’ që ju bë me vezë nga disa të rinj të FRPD.
Me batuta Veliaj tha se duhet të stërvitet më shumë, pasi e ishin qëlluar 10 herë dhe nuk e zuri asnjë.
“Dolët huq, me atë nishan që ju çoi Luli, hodhët 10 vezë nuk më zuri asnjë . Kur e përballoj me sportvitet sulmin “alla ISIS”, pranoni me sportivitet batutën time, duhet të stërviteni më shumë”, tha Veliaj.
Pra, ky nuk ka qenë vetëm një thumbim për Bashën por edhe një mesazh për artistët e pranishëm në sallë, të cilët kanë folur me tone të ashpra kundër projektligjit të propozuar nga Ministria e Kulturës për shembjen e teatrit dhe ngritjen e dy kullave. I vetmi artist që deri më tani ka dalë kundër kolegëve të tij është Luftar Paja, i cili tha se është pro shembjes së Teatrit.
