Mjaft emocionues ka qenë momenti i shpalljes së këngës fituese të Sanremos. Pas shpalljes së çmimit të tretë, fituar nga Annalisa, ishte momenti për të kaluar menjëherë në çmimin e parë.
Michelle Hunziker njoftoi se ia linte kënaqësinë për të njoftuan çmimin e parë Claudio Baglionit, i cili lexoi zarfin me lajmin e madh: “Kënga fituese është interpretuar nga Ermal Meta dhe Fabrizio Moro”, ka thënë Baglioni, ndërsa fituesit janë përqafuar duke festuar kështu çmimin e madh.
Edhe publiku ka shpërthyer në duartrokitje, ndërsa Meta dhe Moro u shpallën fitues me 52% të votave në vendin e parë, me një diferencë të madhe ndaj vendit të dytë që mori 22%.
Kantautori shqiptar, Ermal Meta nuk i ka fshehur emocionet, ndërsa çmimin ia kushtoi shtëpisë së tij diskografike:
“Është një emocion i papërshkrueshëm. Unë ia kushtoj këtë çmim shtëpisë sime diskografike, që ka besuar te unë atëherë kur askush tjetër nuk besonte,” tha Meta.
Kurse këngëtari tjetër, Fabrizio Moro, ia kushtoi çmimin djalit të tij.