Gjuha e përdorur nga politikanët shqiptarë në Parlament për fat të keq i ngjan më tepër një fjalori rrugësh. Edhe pse deputetët kanë kërkuar ndjesë për gjuhën e papërshtatshme, sot i pari i qeverisë Rama ka krahasuar shqiptarët me organin gjenital të meshkujve.
Rama këtë deklaratë e ka bërë duke iu përgjigjur kreut të PD-së, Lulzim Basha, i cili iu drejtua shqiptarëve që të protestojnë për taksën në rrugën e kombit. Shefi i qeverisë, i është përgjigjur Bashës, ndërsa ka shtuar se shqiptarët nuk mund të ngrihen me zor, siç do shefi i PD-së.
“Kjo puna e popullit është si puna e atij muhabetit që i thua atij të shkretit ngrihu-ngrihu por më kot se ai nuk ngrihet e rri me kokë poshtë. Është poezi që e di doktori, e di mirë ai këtë punë (duke iu referuar ish-kryeministrit Sali Berisha)“-shprehet Rama.
Kjo është padyshim një nga rastet e rralla kur një lider shteti e krahason popullin e vendit të tij, të cilët dhe e kanë votuar me një organ të tillë. Me siguri që kjo video do të bëhet virale, po sesa do të ketë reagim na mbetet të presim.
Ditën e sotme në Kuvend u diskutua për vendosjen e tarifave prej 5 deri në 22 euro për mjetet që kalojnë në Rrugën e Kombit, po mesa duket edhe sot kryeministri Rama arriti që të tërhiqte vëmendjen me batutën e tij.
