Shah-boksi (chessboxing), është një sport hibrid që kombinon dy sporte tradicionale:shahun, ku hyn në punë ekskluzivisht vetëm mendja dhe llogaritë e lëvizjeve, dhe boksin ky hyjnë në lojë grushtet dhe muskujt. Ky sport disi qesharak, u shpik nga artisti hollandez i performancës, Iepe Rubingh, fillimisht si një shfaqje artistike.
Më pas nisi të bëhet shumë popullor, sidomos në Gjermani, Britani, Indi dhe Rusi. Gara e parë zyrtare në këtë sport, u zhvillua në Berlin në vitin 2003. Po atë vit në Amsterdam të Holandës u mbajt kampionati i parë botëror. Ndeshjet në shah-boks përbëhen nga 11 raunde, kur 6 raunde janë shah, dhe 5 raunde boks. Çdo raund zgjat 3 minuta, pavarësisht nëse përfshin shahun apo boksin.
Në këtë sport duhet të jesh mesatarisht i mirë në të paktën një nga disiplinat. Nëse je dobët në përllogaritje, mund të përpiqesh ta mbyllësh garën me nokautin e kundërshtarit. Por nëse ke më shumë mend dhe më pak muskujt, mund të përpiqesh të mposhtësh kundërshtarin me një shah-mat në raundet e shahut.
