Ish-detari 47-vjeçar britanik, Dougal Robertson, ishte në prag të falimentimit, kur vendosi të shiste fermën e tij dhe të blinte një anije të vogël, për të udhëtuar me familjen në mbarë botën. Bashkë me gruan dhe 4 fëmijët, ai u largua nga Anglia më 1971. Ata lundruan për mëse 1 vit nëpër Karaibe, kaluan kanalin e Panamasë, dhe vizituan për 3 javë Ishujt Galapagos.
Papritur, kur ndodheshin 200 milje nga toka më e afërt, u sulmuan nga një tufë orkash. Ato e dëmtuan rëndë fundin e anijes, që nisi të fusë ujë, dhe në pak minuta u fundos. Të gjashtë arritën të merrnin pak gjëra, dhe kaluan tek varka e vogël shpëtimit. Ajo ishte aq e vogël, sa kur duhej të flinin, 3 prej tyre qëndronin në ujë. Ata patën ushqim dhe ujë të pijshëm, për vetëm 10 ditë.
Kur ato iu mbaruan, nisën të konsumonin gjakun e breshkave që kapnin, dhe deri tek mbetjet ushqimore që villte ndonjë peshkaqen. Për ujë të pijshëm, përdornin atë të shiut, që e mblidhnin me kujdes. Pas 38 ditësh në det të hapur, u shpëtuan nga një varkë peshkimi japoneze. Historia e tyre, bëri bujë në mbarë botën. Varka e vogël e shpëtimit, ndodhet ende sot në Muzeun Kombëtar të Detarëve në Londër.
