Ditën e djeshme ajo mbushi 33 vjeç dhe po festonte me miqtë e saj duke kërcyer, por askujt nuk ja merrte mendja se dita e saj e lindjes do të kthehej dhe në një gëzim tjetër që s’do të harrohej kurrë. Teksa po dëgjonte një dedikim që ja kishte shkruar i dashuri i saj, këngëtarja e njohur Shkenda Dubova ka mbetur pa fjalë nga diçka që nuk e priste.
Mes rreshtash, miku i saj që po i lexonte dedikimin e dashurisë, i thotë Shkendës t’i përgjigjet pyetjes për martesë me ‘po’ ose ‘jo’. Ndërkohë i dashuri i saj i vjen përballë me një tufë të madhe me trëndafila të kuq në duar.
Këngëtarja emocionohet mjaft dhe mezi flet duke mbajtur lotët:
“A ka pasuri më të madhe se të kesh një njeri si Labi në krahun tënd? Unë them po.”- ndërkohë që vendos në gisht unazën dhe puth partnerin. Të pranishmit në festë shpërthejnë menjëherë në duartrokitje.
Burimi: ‘Prive’
