Kreu i PD-së Lulzim Basha ka folur me tone të ashpra nga Kuvendi ku ka hedhur akuza shumë të rënda në drejtim të ministrit të Brendshëm Fatmir Xhafaj, se ka falsifikua ligjet për të mbrojtur vëllanë e tij Agron Xhafaj, i cili një ditë më partë është i akuzuar nga opozita si trafikant droge.
Një ditë pasi opozita publikoi dosjen për dënimin me 7.2 vite burg për trafik droge në Itali të Agron Xhafajt, vëllait të ministrit të Brendshëm Fatmir Xhafaj, kreu i PD, Lulzim Basha tha nga foltorja e Kuvendit se sot do të ketë dokumente të tjera në drejtim të tij.
“Agron Xhafaj nuk ka vuajtur asnjë ditë dënimin në Itali dhe Shqipëri, ai është i lirë. Sot do të publikohen të vërteta tronditëse nga selia e PD. Fatmir Xhafaj mohoi dënimin e vëllait të tij për trafik droge dhe tha se kjo është një çështje e sajuar nga opozita. Ndërkohë që dje PD publikoi vendimin dhe dosjen e plotë të dënimit të Agron Xhafajt me 7 vjet dhe 2 muaj. Në mbrëmje Xhafa tha se vëllai i tij ishte në vendin e gabuar. Faktet tregojë ne vëllai i Xhafajt vepronte në disa shtet dhe merret me heroinë, kokainë dhe marijuanë”.
Basha tha se ministri Xhafaj mbron vëllain e tij, duke falsifikuar ligjet.
“Fatmir Xhafaj është vetë koka, është vetë peshku i madh. Koka e një prej familjeve mafioze, ku vëllai bën trafikun e kokainës dhe ai vetë falsifikon ligjet për të mbrojtur vëllain e tij kriminel nga burgu. Fatmir Xhafaj është kriminel i pandëshkuar e ka shndërruar Vlorën në kryeqytetin mesdhetar të kokainës. Agron Xhafajn e thërrasin trafikantët, Pashain e Vlorës sepse ka nën urdhrat e tij policinë”.
Seanca pelanare u ndërpre për disa minuta, pasi opozita u mblodh tek foltorja e Kuvendit, pas ndërprerjes së fjalës të Lulzim Bashës nga kryetari i Kuvendit Gramoz Ruçi. Ndërasa më pas opozita ka braktisur punimet e Kuvendit.
