Pamjet dramatike të kapura për National Geographic tregojnë një ari polar që po vdes duke luftuar për të gjetur ushqim në një vend pa akull dhe borë. Ndryshimi i klimës po shkatërron ekosistemin dhe botës po i afrohen ditët e vështira, shkruan mirror.co.uk.
Në video tregon gjendjen e vështirë të ariut polar që me vështirësi ecën duke zvarritur këmbët e tij, ndoshta për shkak të atrofive të muskujve. Ariu shihet duke kërkuar ushqim në një kazan.
Kjo video është filmuar nga një fotograf Paul Nicklen në ishujt e Baffin në territorin kanadez të Nunavut.
“Ne qëndronim atje duke qarë, ndërkohë që filmonim lotët rëshkisnin në faqet tona”, deklaroi fotografi Nicklenin.
Është e qartë për këdo që tani këto janë pasojat e ndryshimeve klimatike dhe aktivitetit njerëzor.
Është vlerësuar se arinjtë polarë mund të zhduken deri në vitin 2050, për të mos përmendur lloje të panumërta të tjera që tashmë janë zhdukur ose janë në prag të zhdukjes.
Nëse nuk ndryshojmë në mënyrë drastike sjelljen tonë si një specie, ne do të humbasim një pjesë të madhe të asaj që e bën këtë planet të bukur.
