Ndonëse Policia e Shtetit ka refuzuar t’i japë leje PD për zhvillimin e protestës së paralajmëruar për nesër përpara Parlamentit, LSI nga ana tjetër ka marrë masat. Deputetja e LSI-së, Floida Kërpaçi ka ndarë me të gjithë ndjekësit në rrjetin e saj social Facebook një video ndihmëse për protestuesit, në mënyrë që të mbrohen nga gazi lotsjellës i uniformave blu.
Në datën 5 mars do të zhvillohet seanca e radhës e Kuvendit të Shqipërisë, ndërsa Partia Demokratike përgatitet për protestën. Kuvendi ka publikuar datën e mbajtjes së seancës, por jo orën, ndërsa Policia e Shtetit i referohet orës 10:00 për zhvillimin e Kuvendit, teksa i refuzoi lejen PD-së nisur kjo nga dhuna në protestën e 26 shkurtit, duke i kërkuar që të gjejë një tjetër vend për tubimin.
