Guardia di Finanza e Torinos ka sekuestruar disa shtëpi, llogari bankare dhe aksione të një kompanie, me vlerë rreth 100.000 euro, të gjitha këto të pasuri të fituara në saj të trafikut të drogës në Val Suza, shkruan Tirana Today.
Hetimi i policisë lidhur me goditjen e rastit në fjalë ka nisur që në vitin 2014, ku operacioni është kryer në një pub të famshme në Susa, ku çoi në mbylljen e lokalit, si dhe arrestimin e një punonjësi bashke me menaxherin, pasi posedonin disa doza kokainë.
Hetimet e mëvonshme të kryera nga policia e Suzës, kishin zbuluar një rrjet të vërtetë të trafikantëve të drogës, në zonat e Val Sangone dhe Susa.
Operacioni i Guardia di Finanza kishte përfunduar prillin e kaluar me arrestimin e 17 personave të akuzuar për trafikut droge, por mendohet se rreth 100 njerëz ishin të përfshirë në pozita të ndryshme.
Gjatë operacionit, një njeri i kishte shpëtuar kapjes, por u kap në Spanjë, dhe është dënuar me 3 vjet e 10 muaj.
Lideri i grupit kishte qenë një 29-vjeçar shqiptar i cili kishte investuar shuma të konsiderueshme parash, nga të ardhurat e trafikut të drogës, për të blerë shtëpi. Tashmë të gjitha pasuritë e tij janë të përfshira në hetimi. Gjyqtari për Hetimet Paraprake ka urdhëruar konfiskimin e pasurive të patundshme, llogarive bankare dhe aksione të tij dhe grupit të shqiptarit.
Pra, 29-vjeçari shqiptar Augustin Skendo, ishte udhëheqësi i grupit, i përbërë nga 17 njerëz.
Gjatë aksionit Guardia di Finanza kishte konfiskuar më shumë se 40 llogari bankare dhe kishte kryer më shumë se 30 sulme, për të vënë në pranga anëtarët e grupit të përbërë nga qytetarë italianë, shqiptarë, rumunë dhe marokenët, të gjithë të moshës ndërmjet 20 dhe 30 vjeç. Udhëheqësi ishte Augustin Skendo, një 29-vjeçar shqiptar banues Gravere. Por, pjesë e grupit ishte dhe vëllai i tij i vogël Xhejsi Skendo, i njohur si “PR” i klubit të natës Tabata di Sestriere, raporton lagenda.news.
Ndër klientët e tyre ishin, të rinjtë, të moshuarit, studentët, punëtorët, barista dhe madje instruktorët e skive.
Të pandehurit dhe dënimet në shkallën e parë:
Agustin Skendo, 29 vjeç, banor në Gravere – kërkoi gjykim të shkurtuar
Selim Dardha, 23 vjeç, me banim në Suzë, 3 vjet e 10 muaj dhe u gjobit me 15,000 euro
Skendo Xhejsi, 23 vjeç, banor i Gravere, 3 vjet e 8 muaj dhe u gjobit me 17,000 euro
Besnik Brovina i quajtur “Besi”, 45 vjeç me vendbanim në Suzë – kërkoi gjykim të shkurtuar
Ermes Dario Gori, 41 vjeç, banor i Cumiana – kërkoi gjykim të shkurtuar
Carmine Miceli, 29 vjeç, banues në Suzë – 1 vit dhe 9 muaj dhe gjobë prej 4,000 eurosh
Claudio Littera, 48 vjeç, banues në Gravere, 1 vit e 8 muaj, u dënua me kusht
Arlind Telegrafciu, 38 vjeç, banues në Suzë, kërkoi gjykim të shkurtuar
Dario Siciliano, 39 vjeç, banues në Suzë, kërkoi gjykim të shkurtuar
Giuseppe Fragale, 37 vjeç, banor në Chiusa San Michele, 1 vit e 8 muaj
Antonio Fragale, 64 vjeç, me banim në Villar Focchiardo, 1 vit e 8 muaj
Luigi Federico, 25 vjeç, me banim në Bussoleno, kërkoi gjykim të shkurtuar
Davide Troccola, 26 vjeç, me banim në Sant’Antonino di Susa, 2 vjet burg
Manuel Giai Checa, 34 vjeç, banor në Giaveno, kërkoi gjykim të shkurtuar
Filippo Bontempi, 28 vjeç, me banim në Suzë, 1 vit dhe 8 muaj
Sonny Mannarino, 23 vjeç banor në Suzë, 1 vit dhe 8 muaj dhe një gjobë prej 2,000 eurosh
Andrei Florinel Alexandru, 26 vjeç, banor në Borgone di Susa, 1 vit dhe 8 muaj. TIRANA TODAY
