Një ditë më parë Rojet Bregdetare greke, bënë të mundur ndalimin e dy skafeve të fuqishëm të ngarkuar me 1.6 ton marijuanë, ku në pranga u vendosën 10 persona të përfshirë në këtë trafik ndërkombëtar droge.
Të arrestuarit janë 6 shqiptarë, 2 italianë, 1 grek dhe 1 bullgar. Në bordin e mjetit lundrues ndodheshin tre persona, dy shqiptarë dhe një grekë. Pjesa tjetër u arrestuan pas ndalimit të skafit me lëndë narkotike.
Sipas mediave greke, bëhet e ditur se në mesin e personave të ndaluar është edhe një biznesmen me inicialet S.K. Sipas tyre, ai është një sipërmarrës i njohur në ishullin e Mikonos në Greqi.
Biznesmeni u arrestua në portin e Larissas së bashku me personat e tjerë të përfshirë në këtë aktivitet kriminal.
Media greke bën të ditur se sasia e madhe e drogës do të dërgohej pikërisht në Mikonos, ku një pjesë do të shitej në tregun vendas kurse pjesa tjetër në shtetet evropiane.
Ndërsa operacioni ishte e gjatë gjatë goditjes së bandës së drogës, ku autoritetet bregdetare greke ndoqën për disa orë në det mesnatën e së shtunës skafin e fuqishëm të mbushur me kanabis.
Por, ky aksion u shoqërua dhe me incidente ku trafikantët qëlluan me armë ndaj policisë, por autoritetet u kundërpërgjigjën. Një snajper i pozicionuar në helikopterin e forcave greke që ndiqte nga ajri mjetin lundrues, qëlloi skafin duke e detyruar të ndalonte. Brenda bordit të skafit që ishte nisur nga Shqipëria u gjetën 1.6 ton marijuanë.
Mediat fqinje kanë publikuar pamjet e ndjekjes në det nga autoritetet greke të skafit që lëvizte me shpejtësi skëterrë. Deri tani nuk është bërë me dije identiteti i asnjërit prej trafikantëve të arrestuar. TIRANA TODAY
