Shqipëria duket sikur është në ‘gjendje lufte’. Seancat e së enjtes në Kuvend janë një provë e pakundërshtueshme e asaj që pëson populli mbi kurriz. Ajo që sillet prej tyre si qeverisja pa botën e krimit, ka vënë sërish në lojë kryetaren e LSI-së, Monika Kryemadhi, së bashku me kryetarin e PD-së, Lulzim Basha, për të ndëshkuar qeverisjen e Ramës.
PD mori vendimin unanim për djegien e mandateve, e ndërsa Rama, në intervistat që jep në mediat e huaja, reflekton të ashtëquajturën frikë të opozitës. Kjo lojë si ‘macja me miun’ nuk ka afat, por ajo që dihet mësë miri është nxjerrja e ‘armëve’ nga palët, për të triumfuar në objektivat e tyre.
Në kohën kur vezët e boja mbi fytyrën e Ramës na kanë sjellë në kryefjalë të ditës në mediat e huaja, opozita e bashkuar ka bashkuar fuqitë për ti dhënë goditjen fatale kryeministrit të vendit. Kjo për këtë të fundit është thjeshtë një tentativë e dështuar, pasi, mbështetja që i kanë dhënë qytetarët, është prova më e fortë drejt suksesit.
Kur Kryemadhi mbështet çdo pikë e presje të Bashës, duke u treguar hera-herës edhe arrogantë në Kuvend, ish-ministri i Brendshëm Saimir Tahiri del në skenë me anë të një video-je, e cila është realizuar kohë më parë, për vilën e Metës.
Të intervistuar nga gazetarja Sonila Meço në televizionin “Agon”, tashmë i mbyllur, tregohet jeta e florinjtë e tyre. Vila e tyre luksoze ka 11 tualete, ku edhe macja e ka personale. Ndër të tjera, ku vërtetohet me zë e figurë jeta e tyre e shtrenjtë, bie ndesh me ato që artikulon sot kryetarja e LSI-së, e cila mendon për popullin që vuan për bukën e gojës. Vila në fjalë, e cila ndodhet në Gjirin e Lalzit, frekuentohej vetëm për fundjavë prej tyre.
Nëse do të pyesnit se sa kanë kushtuar arredimet, duhet ta mbani frymën, pasi çmimet janë stratosferike. Kolltuqet kushtojnë 32 mijë euro, e ndërsa mobilimi ka shkuar në më shumë se 400 mijë euro. Teksa është dhënë një urdhër nga lart që këto pamje të fshihen, në skenë del ish-ministri Tahiri, i cili nxjerr provat sesi kryetarja e LSI-së flet për një jetë modeste, e ndërsa vite më parë harron se çfarë ka treguar para qytetarëve.
Mos vallë shqiptarët kanë një kujtesë afatshkurtër? Edhe nëse do të ishte kështu, pamjet flasin qartë për talljen e shëmtuar që po bëhet ndaj shqiptarëve!
