Ata që kanë pasur fatin të vizitojnë Parisin, janë mrekulluar nga bukuritë e tij. Por ndoshta vetëm pak prej tyre, ishin në dijeni se nën këmbët e tyre ndodheshin Katakombet, varreza e madhe e nëndheshme, kur prehen 6 milionë banorët e Parisit të shekujve të fundit. Në shekullin e XVIII-të, varrezat e qytetit ishin zgjeruar aq shumë, sa që në një moment nuk kishte më hapësirë. Disa të vdekur nuk u varrosën siç duhet, dhe nisën të përhapnin sëmundje.
Zyrtarët menduan t’i zhvendosnin eshtrat e varreve të vjetra në disa prej guroreve nëntokësore të qytetit. Gjatë viteve 1780-1814, aty do të zhvendoseshin eshtrat e miliona njerëzve. Vlerësohet se rrjeti i tuneleve ka një shtrirje prej 320 kilometrash. Sot katakombet shfrytëzohen edhe për akte kriminale.
Në vitin 2017, një bandë grabitësish shpoi muret gëlqerore të katakombëve, për të të dalë nën një apartament, duke grabitur 300 shishe verë të cilësisë së parë, me një vlerë prej 250 mijë eurosh. Por këto tunele, janë përdorur nga fermerët për të kultivuar kërpudha, si një kinema nga grupe njerëzish të panjohur, si dhe nga Rezistenca Franceze gjatë Luftës së Dytë Botërore.
