Një video shumë domethënëse është bërë së fundmi virale.
Violinistja Dagmar Turner i ka habitur të gjithë gjatë operacionit në tru në King’s College Hospital në Londër.
Raportohet se kirurgët i kërkuan 53-vjeçares që të luante në instrumentin e saj për t’u siguruar që aftësitë muzikore të profesionistes të mos dëmtoheshin gjatë heqjes së tumorit.
“Violina është pasioni im. Unë kam luajtur që kur kam qenë 10 vjeç”, mësohet të ketë thënë Turner.
“Mendimi që do e humbas aftësinë time për të luajtur ishte zemërthyes”.
Dr. Keyoumars Ashkan, një neurokirurg, gjeti këtë zgjidhje krijuese. Para procedurës, një ekip ekspertësh mjekësorë kaloi dy orë kohë duke studiuar trurin e Turner për të kuptuar se cilat zona ishin aktive kur ajo luante violinë.
