Deri në moshën 34-vjeçare, jeta e Derek Amatos nga Kolorado i SHBA-së, ishte një kaos i vërtetë. Ndër vite kishte bërë punë të ndryshme, por pa siguruar dot një shtëpi për veten dhe familjen. Një ditë në vitin 2006, teksa ndodhej në shoqërinë e miqve, hidhet për t’u larë në një pishinë të cekët. Për pasojë plasi fort kokën në fundin e saj. Ai doli menjëherë, duke u ankuar se nuk dëgjonte dot asgjë. Pasi u dëgua në spital, mjekët konstatuan se kishte humbur 35 për qind të dëgjimit dhe kujtesën.
Por pak javë më vonë, nisi të luajë në pianon e një miku, për të mos u ndalur më. Derek i binte pianos si profesionist, dhe pse nuk kishte marrë asnjëherë leksione pianoje në jetën e tij. Pas disa vizitave, mjekët zbuluan se ai është një nga 30 njerëz në mbarë botën që vuajnë nga Sindroma e Fituar ‘Savant’, ku njerëzit shfaqin aftësi të mëdha pas vuajtjes së traumave në kokë.
Amato nuk luan vetëm në piano, por edhe në 7 instrumente të tjera, dhe është një muzikant i suksesshëm. Nuk ka ende një shpjegim të plotë për këtë dukuri, por shumë studiues besojnë se sindroma Savant, shfaqet kur lobi i djathtë i trurit, kompenson një lëndim në trurin e majtë.
