Qyteti i Kukësit është zgjuar të dielën i “pushtuar” nga forca të shumta RENEA, një ditë pas protestës kundër taksës së “Rrugës së Kombit”, protestë që degjeneroi në dhunë.
Familjarët e personave të shoqëruar në komisariat thonë se efektivët e policisë kanë ushtruar dhunë nëpër banesa në orët e para të mëngjesit.
Të shtunën, protestuesit dogjën dhe shkatërruan sportelet e vjeljes së taksës së rrugës, të vendosura nga koncesionari, ndërsa paralajmëruan se do të rikthehen të bëjnë të njëjtën gjë nëse ato do të rivendosen sërish në funksion.
Në një video të publikuar nga ish-kryeministri Sali Berisha, shikohen momente nga aksioni policor. Berisha në “Facebook”, shkruan:
“Nje ultimatum nga Kukesi per Noriegen, Edvin Kristaq Ramen! Lexoni mesazhin dhe shikoni videon e qytetarit dixhital. sb “Pershendetje Dr.Berisha. Uroj te jeni mire me shendet. Kjo foto eshte nga Kukesi i shtetrrethuar i Edi Rames-Fatmir Xhafes. Jane trazuar familjet kuksiane ne oret e pare te mengjesit per shkak se iiu prish qetesia zotit Rama. Ne nuk dorezohemi kurre te kerkojme te drejtat tona sepse jemi Qarku me i varfer ne Shqiperi. Edi Rama ta harroje se do vije ne Kukes ..ai e dine mire se cfarr e gjen me Kukesin…Nje thirrje Safet Gjicit e Mimi Kodhelit qe ia kane mbathur si minjte neper skutat e tyre e skan fytyre te vijn te kerkojne votat tona. Turp per Gjicin dhe shoket e tij kriminele qe kane mberthyer kuksin….I bejem thirrje Edi Rames te liroje sa me pare kuksianet se ndryshe do e pesoje edhe me keq. Ju pershendes doktor.”
Ndërsa në videon më poshtë qytetarët dëgjohet të thonë: “Gjendje lufte në Kukës, masakër!”
