Policia e Krujës ka zbuluar një aktivitet ilegal pas informacione të siguruara nga strukturat në terren. Armë zjarri, tritol, krehra dhe fishekë janë gjetur në banesën e një 62-vjeçari që është arrestuar nga policia. Fishekët 62-vjeçari i kishte futur në shishe qelqi dhe plastike për t’i ruajtur.
Në pranga ka përfunduar Shaban Tufa, 62 vjeç, banues në Krujë.
Gjatë kontrollit të ushtruar në banesën e tij, në fshatin Grepsë Krujë u gjetën dhe sekuestruan në cilësinë e provave materiale:
– një armë zjarri automatik;
– një armë zjarri pushkë;
– një kallëp lënde plasëse (tritol);
– 390 fishekë model 56 , 54 dhe 25 të kalibrit 9 mm;
– 5 krehera
Materialet i kaluan Prokurorisë së Rrethit Krujë për veprime të mëtejshme për veprën penale “Prodhimi dhe mbajtja pa leje e armëve luftarake dhe e municionit”.
