Prezantuesi i njohur britanik Jeremy Kyle, ka bërë të ditur se ka filluar gjyqi ndaj shqiptarëve të akuzuar për trafikim kanabisi.
Besjan Muja, 31 vjeç, u paraqit në gjykatë për fillimin e një gjyqi që do të zgjasë plot 9 ditë, shkruan Tirana Today.
Gjyqi ka filluar për shqiptarin e akuzuar për trafikim kanabisi, i cili u ndalua gjatë një operacioni të policisë në Gloucester, ku i pranishëm në aksion ishte dhe prezantuesi i ITV1 Jeremy Kyle.
Besjan Muja, 31 vjeç, nga Wharfside Close in Hempsted, u shfaq sot në gjykatën e Bristol Crown Court.
Shqiptarët të cilët ishin pjesë e këtij komploti mohojnë akuzat për të furnizimin dhe prodhimin e kanabisit të klasit B midis datave 1 nëntorit 2016 dhe 12 tetorit 2017.
Muajin e kaluar Muja u arrestua pas bastisjes së policisë në prona të dyshuara.
Kyle shoqëroi policinë në bastisjet dhe pamjet e operacionit u transmetuan në një dokumentar të tij të muajit të kaluar mbi kanabis.
Juria sot dhe nesër do të dëgjojë deklaratat e të pandehurve.
Gjyqtari Julian Lambert kryeson gjyqin dhe Ed Hetherington do t’i ndjekë penalisht, ndërsa Guy Boëden dhe Genevieve Reed po mbrojnë Mujën.
Aksioni ku ishte i pranishëm prezantusi:
Jeremy Kyle u shfaq në televizor në operacionet e zhvilluara ndaj shqiptarëve nëpër Gloucestershire, të Britanisë së Madhe.
Episodi i The Kyle Files, i shfaqur në ITV1, përfshinte mbulimin e operacioneve të policisë ndaj shqiptarëve dhe fabrikave të kanabisit, në orët e para të 11 Tetorit të vitit të shkuar.
Pas një hetimi 8 mujor, rreth 50 oficerë policie bastisën 6 fabrika kanabisi dhe 5 prona të tjera, duke sekuestruar një sasi të madhe kanabisi.
Ata arrestuan 10 persona, mbi të cilët rëndojnë akuzat për drogë dhe që pritet të dalin në gjykatën e Bristol më 9 Prill.
Të arrestuarit nga ky operacion janë Kreshnik Muja, 20 vjeç, Dritan Muhametaj, 27 vjeç, Gurgen Nikoci, 21 vjeç, Bardhyl Arifaj, 33 vjeç, Ardit Agaj, 27 vjeç Aranit Kasaheri, 34 vjeç, Elis Gashi, 32 vjeç, Dardan Horhaj, 22 vjeç, Jeton Muja, 26 vjeç dhe Besjan Muja, 31 vjeç.
Në show shfaqej gjithashtu momenti i arratisjes së një prej të dyshuarve. Vetë prezantuesi britanik, Jeremy Kyle sëbashku me oficerët e policisë e ndoqën atë në rrugë, por pa mundur që ta kapnin.
Aksioni policore ishte pjesë e Operacionit Cleveland, një përpjekje e autoriteteve britanike kundër bandave shqiptare të drogës, trafikut njerëzor dhe skllavërisë moderne në Gloucestershire. TIRANA TODAY
