Tensionet seanca në Kuvend pasi kryetari i PD-së, Lulzim Basha i kërkoi kreut të Kuvendit, Gramoz Ruçi që të largojë nga salla kryeministrin Rama. Pas bllokimit te foltores, fillimisht ishin Noka dhe Klevis Balliu hodhen miell ne drejtim te kryeministrit dhe ministrave.
Ndërkohë që situata precipitoi kur një deputet i PD-së hodhi një shishe me ujë në drejtim të Bushatit dhe ky i fundit i lagu me ujë deputetët e PD-së.
Ora 11:00
Nisja e Kuvendit për ditën e sotme duket se do të jetë e tensionuar. Ka qene kreu i Partise Demokratike i cili nw fjalën e tij e nisi me të arrestuarit e protestës se Rrugës së Kombit, të cilët janë duke kryer dënimin. Gjithashtu Basha ka kërkuar dhe përjashtimin e kryeministrit Edi Rama, për fjalor të pisët.
Deputetët e opozitës bllokuan foltoren e Parlamentit pas fjalimit të kryetarit të Partisë Demokratike Lulzim Basha. Ky i fundit, i kërkoi kryeparlamentarit Gramoz Ruçi që të përjashtojë nga Parlamenti Kryeministrin Edi Rama për gjuhën joetike që përdori seancën e javës së kaluar.
Kjo ka krijuar tension, aq sa kryerit i Kuvendit ndërpreu seancën.
Lulzim Basha u ka bërë thirrje të gjithë qytetarëve që të ngrihen në protesta dhe të denoncojnë çdo padrejtësi nga ana e Qeverisë.
“Ky Kryeministër dhe ajo prokurore që lanë të arratisej Arben Çekajn e 613 kg kokainë, i duan të shtypur kuksianët dhe gjithë qytetarët që ngrenë zërin. Ky Kryeministër dhe ky ministër i Brendshëm, vëllezërit e të cilëve janë trafikantë droge, i duan në burg baballarët kuksianë. Mos i harroni kuksianët. Ata janë ende në burg. Liria dhe dinjiteti i tyre janë të dhunuara. Ndaj nuk duhet t’i harrojmë. Ndaj sot dua t’ju shpreh mirënjohjen të gjithë atyre që sot kanë ngritur zërin e tyre në mbrojtje të të drejtave të kuksianëve dhe qytetarëve të ndershëm.
Ata treguan se në këtë vend ka ende shpresë, se ka ende kurajo, por qëndruan besnikë një të vërtete të mëdhe, padrejtësia diku është një kërcënim për drejtësinë kudo. I bëj thirrje çdo shqiptari mos presin të bëhen qindra dhjetra miliona, por të reagojë secili me mënyrën e tij të reagimit. Këto përpjekje të gjitha bashkë do përbëjnë një goditje fatale për këtë regjim kriminal që kemi sot në krye të vendit”, u shpreh Lulzim Basha.
Pas fjalës së kreut të demokratëve, deputetët opozitarë u mblodhën tek foltorja duke bllokuar zhvillimin e seancës. Në këtë moment, kreu i Kuvendit Gramoz Ruçi ndërpreu punimet e Parlamentit për 10 minuta. TIRANA TODAY
