Një 22-vjeçar shqiptar është plagosur një natë më parë në Itali. Mediat atje bëjnë të ditur se i plagosuri është shtetasi me inicialet S.R, me origjinë nga Durrësi, por që jetonte në Toirano. Ai është qëlluar në këmbë në zonën Olivette, në afërsi të kufirit me Borghetto Santo Spirito .
Por, i plagosur djali ka arritur të hyjë në një dyqan cigaresh elektronike, për tu shpëtuar plumbave të tjerë, ku dhe ka kërkuar ndihmën e shitësit. Por menjëherë në vendin e ngjarjes ka arritur ambulanca që e ka dërguar në spital.
“Ndjeva një goditje të fortë në këmbë, më qëlluan nga pas”, kanë qenë këto fjalët e të riut pasi iu nënshtrua një operacioni. Tashmë i riu është jashtë rrezikut për jetën. Ndërsa policia po punon për zbardhjen e ngjarjes dhe kapjen e autorëve.(Tirana Today)
