Ambasadorja e SHBA në Tiranë, Yuri Kim ka publikuar një video-mesazh në Facebook, duke prezantuar tri prioritetet e saj si kryediplomate amerikane në vendin tonë.
Në video ajo shprehet se do të punojë për të thelluar edhe më shumë marrëdhëniet e Shqipërisë në fushën e mbrojtjes. Gjithashtu, Yuri Kim theksoi se do të mbështesë aspiratat evropiane të Shqipërisë.
“Së pari, do të punoj për të thelluar marrëdhënien tonë në fushën e mbrojtjes, që Shqipëria të bëhet aleate më e fortë dhe e aftë.
Së dyti, di vijoj të nxis zhvillimin demokratik të Shqipërisë, për të mbështetur përpjekjet tuaja për anëtarësimin në BE. Aspiratat evrpiane të Shqipërisë dhe reformat që ato kërkojnë do të sjellin më shumë begati dhe qëndrueshmëri për ju dhe rajonin.
Së treti, do të punoj për të nxitur eksportet dhe investimet e Shteteve të Bashkuara në Shqipëri, në mënyrë që të krijojmë më shumë vende pune dhe mundësi për amerikanët dhe shqiptarët”, thotë ndër të tjera ambasadorja e SHBA, Yuri Kim.
