Një grua ka humbur tragjikisht jetën në Indi, pasi u përplas me derën prej xhami të një banke.
Gruaja kishte qenë në bankë dhe pasi kishte mbaruar punë ishte larguar. Por ajo u kthye prapë për të marrë çelësat e motorit të cilat i kishte harruar.
Sipas dëshmitarëve ajo nuk e kishte kuptuar që dyert ishin të mbyllura dhe si pasojë ajo është përplasur fuqishëm me derën prej xhami në momentin që po largohej me shpejtësi.
Nëna e dy fëmijëve ka vdekur pak momente pasi dera iu shemb në pjesë të ndryshme të trupit. Daily Mail raporton se ajo u dërgua me urgjencë në spitalin më të afërt, por prapë se prapë nuk arriti t’i mbijetonte plagëve të marra.
