Sot në orët e para të mëngjesit janë luajtur tre supersfida të turneut ICC që po zhvillohet në Amerikë. Në videot e mëposhtme tregohen disa prej momenteve më spektakolare dhe kulminante gjatë ndeshjeve.
Barcelona- Manchester United
Barcelona mposhti Manchester United me rezultatin 1-0, falë golit të Nejmar, yllit brazilian në minutën e 31-të. Kjo ishte fitorja e dytë e katalanasve në këtë turne pas triumfit me Juventusin disa ditë më parë.
http://www.dailymotion.com/video/x5uyavh
PSG-Juventus
Në sfidën mes PSG dhe Juventusit italianët arritën të fitonin me rezultatin 3-2. Higuain dhe dy herë Markizio ishin autorët e golave për juventinët, ndërsa për francezët golat u shënuan nga Guedes dhe argjentinasi Havier Pastore.
http://www.dailymotion.com/video/x5uyir8
Manchester City- Real Madrid
Megjithatë supersfida u realizua mes Manchester City dhe kampionëve të Europës, Real Madrid. Skuadra e Guardiolës shkatërroi madrilenët me rezultatin 4-1 në një takim që foli i gjithi për “qytetarët”. Otamendi hapi serinë e golave në minutën e 52-të ndërsa 7 minuta më vonë Stërling dyfishoi rezultatin. City ishte i papërmbajtshëm në këtë sfidë dhe nuk ka munguar edhe goli i tretë, me autor një tjetër mbrojtës, Xhon Stons. Për golin e “knockout”-it mendoi talenti i ri Brahim Diaz, i cili në minutën e 82-të katërfishoi rezultatin. Duhet të shkonte minuta e 90-të që mardilenët të shënonin golin e nderit, me autor 19-vjeçarin, Oskar Arnaiz.
http://www.dailymotion.com/video/x5uz6cq
