Një 42-vjeçar shqiptar në Greqi, i cili ishte arratisur nga burgu, u vu në pranga nga autoritetet helene, pasi në bashkëpunim me një 58-vjeçar grek, grabitën një bankë në zonën Peristeri të Athinës.
Sipas mediave greke, shqiptari, identiteti i të cilit ende nuk është bërë i ditur, është futur i maskuar brenda bankës, dhe ka kërcënuar punonjësit me armë, duke i marrë të gjitha paratë që ndodheshin në arkë.
Arratisja e tyre nuk zgjati shumë, pasi policia greke bëri të mundur kapjen dhe prangosjen e të dyve. Deri më tani nuk ka informacio9ne zyrtare në lidhje me identitetin e tyre, por u bë e ditur se nga ky operacion, shqiptariut iu sekuestruan një pistoletë me mulli, fishekë, një shumë në euro, që grabiti dhe veshjet e përdorura.
Ndërkohë, bashkëpunëtorit të tij grek, iu skeuaestruan një armë, dy hanxharë dhe makina që përdorën për t’u larguar nga vendi i ngjarjes. Policia greke thotë se shqiptari ishte arratisur nga burgu në 20 janar të vitit të kaluar, ku po vuante dënimin 28 muaj për vjedhje, rezistencë dhe hyrje ilegale në Greqi.
Për më tepër, ndaj tij ishte në pritje të një urdhri arresti për grabitje me armë, të cilin ai akuzohet se e ka kryer në një dyqan korrierësh në Mesini, si dhe një dënim me 3 vjet burg për vjedhje.
