Mëngjesin e sotëm, policia italiane në bashkëpunim me atë shqiptare kanë vënë në pranga 43 persona, duke bërë të mundur shkatërrimin e një bande e cila operonte në territorin shqiptar dhe italian.
Mbi 200 forca të rendit kanë ekzekutuar 43 urdhra arrestimi ndaj personave të akuzuar për trafik marijuane, kokaine e hashashi. Droga trafikohej me mjete lundruese nga Shqipëria drejt rajonit të Puglias.
Operacioni “Shefi” ka nisur hetimet në vitin 2016 nga antimafia italiane e qytetit të Barit.
Autoritetet italiane bënë të ditur se janë goditur 2 banda të fuqishme kriminale që vepronin në të dy anët e Adriatikut dhe se këto grupe kriminale janë përgjegjëse për trafikim ndërkombëtar të drogës nga Ballkani në Itali.
