Pre e grabitjes ka rënë një restorant në Llogara, ku dy persona të maskuar dhe të armatosur kanë realizuar skemën e tyre për të vjedhur shumën e parave që gjendej në ambientet e restorantit.
Grabitja daton më 19 gusht, në orën 01:09 pas mesnate, por pamjet janë publikuar ditën e sotme.
Dy grabitësit kanë bashkëpunuar, njëri prej tyre thyen forcërisht derën kryesore, hyn në ambientet e restorantit dhe merr prej aty xhiron ditore. Personi tjetër i armatosur me një kallashnikov e pret jashtë restorantit. Pamjet duken në videon e publikuar nga Ballkanweb.
Ata u larguan pa u pikasur nga askush, pasi kishin marrë një shumë të konsiderueshme ndërsa policia vijon hetimet për identifikimin dhe kapjen e tyre.
