Gjatë vizitës së tij në Lyon, presidenti francez Emmanuel Macron është goditur me vezë, ndërkohë që ndodhej mes turmës së njerëzve. Badigardët e tij menjëherë e rrethuan, që ky incident mos të përfundonte me pasoja edhe më të rënda.
Macron shihet teksa po përpiqet të çajë turmën e njerëzve, kur papritur dikush e godet me vezë nga pas. Personi që e goditi me vezë, është arrestuar nga shërbimi i sigurisë.
Në qershor të këtij viti, një burrë goditi me shpullë presidentin francez, gjatë një ecjeje dhe takimi me njerëzit në rajonin e Drome, në Francën juglindore. Menjëherë ndërhynë truprojat e Macron, të cilët e tërhoqën dhe shtrinë përtokë burrin, dhe në të njëjtën kohë larguan presidentin. Politikanët e kanë denoncuar me shpejtësi incidentin.
Actuellement en déplacement à Lyon, Emmanuel Macron a été victime d’un jet d’oeuf. Le jeune homme a été interpellé par le service d’ordre. (Lyon Mag) pic.twitter.com/PWCOvnP22B
— Nassim (@nassimkyy) September 27, 2021
