Një foshnje nga Britania e Madhe ka arritur ta mposhtë koronavirusin, pas dy javësh në izolim.
Erin e vogël, e quajtur ndryshe si “Fëmija mrekulli” i ka kaluar dy javët e fundit në izolim, në spitalin pediatrik në Liverpul nën kujdes intensiv.
Infermierët që u përkujdesën për vajzën e vogël lajmëruan dje prindërit e saj, se vogëlushja e kishte kaluar tashmë rrezikun.
Vetë spitali ka publikuar në rrjetet sociale një video të momentit kur Erin nxirret nga izolimi. Në video shihen shumë mjekë dhe infermierë të cilët duartrokasin për të.
“Mund të keni dëgjuar për vogëlushen 6 muajshe Erin, e cila është shëndoshë e mirë pasi fitoi betejën me COVID19”, shkruhet në krah të videos.
