Konstituimi i Këshillit Bashkiak Shkodër gjatë ditës së sotme u shoqërua nga trazira të shumta, ku nuk munguan as përplasjet mes policisë dhe protestuesve.
Në videon e siguruar nga BalkanWeb, shihet momenti kur në Bashkinë e Shkodrës mbërrijnë deputeti Tom Doshi dhe këshilltarët socialistë.
Protestuesit duken shumë të agravuar, teksa kanë qëlluar edhe deputetin Doshi bashkë me këshilltarët e PS-së, me shishe uji.
Kujtojmë se pas protestës reagoi edhe dega e PD-së në Shkodër, të cilët njoftuan se policia kishte arrestuar disa persona nga kjo protestë, midis tyre edhe kryetarin e forumit rinor të kësaj partie, Arvit Bushati.
