Ku fillon kjo dashuri? Në familjen tonë, në shtëpinë tonë. Po si fillon ajo? Duke u lutur së bashku. Familja që lutet bashkë, qëndron bashkë.
Dhe nëse qëndroni bashkë, do ta doni njëri-tjetrin, ashtu si Zoti do secilin prej jush. Sot në botë ka kaq shumë vuajtje.
Për shkak të asaj lutjeje për unitet në familje, sot kur jemi bashkë, le të bëjmë një premtim të fortë, se do të sjellim lutjen në familjen tonë, se do t’u mësojmë fëmijëve tanë të luten.
Lutuni me ta, dhe do të shihni që gëzimi, dashuria dhe paqja, do të vijnë në zemrat tuaja. Sepse fryti i lutjes është thellimi i besimit, dhe fryti i besimit është dashuria, dhe fryti i dashurisë është shërbimi, dhe fryt i shërbimit është paqja.
Veprat e dashurisë janë vepra paqeje, prandaj le të sjellim dashurinë e ëmbël të Perëndisë në familjet tona.
