Shqipëria është një nga vendet më të vogla në Evropë, por tërheq çdo vit e më shumë turistë. Nga ujërat e kristalta në vendet historike, ky vend ka gjithçka për të joshur.
Kudo që të jeni, deti dhe malet janë në dispozicionin tuaj. Në horizont, kështjella të ngritura. Mirësevini në Shqipëri, një destinacion shumë i arritshëm në Evropë.
Media franceze ‘France 2’ i ka kushtuar së fundmi një reportazh Shqipërisë, ku e krahason jugun e vendit me një “Tajlandë të vogël”.
Në jug të vendit të mbiquajtur “Tajlanda e vogël” nga vendasit, Ksamili është një plazh shumë i popullarizuar me turistët e huaj, si disa francezë që kanë ardhur me pushime në një shtëpi idilike prej 80 metrash katrorë me një çmim midis 75 dhe 140 euro për natë, në kulmin e sezonit.
Më shumë se 6.5 milion turistë në 2019
Në vitin 2019, Shqipëria mirëpriti më shumë se 6.5 milionë turistë, gati dyfishi i numrit të 15 viteve më parë. Për t’i akomoduar ata, hotelet po shtohen në Rivierë, me dhoma me 50 euro për natë. Udhëtarët mund të shpëtojnë nga plazhi, për të zbuluar thesare të tjera të vendit si një qytet antik i klasifikuar si një vend i trashëgimisë së UNESCO-s. E mbyllur gjatë dekadave të diktaturës komuniste, Shqipëria po i hapet turizmit vitet e fundit, sepse ky vend ballkanik ka disa nga peisazhet e fundit të pashkelura mesdhetare.
Burimi i lajmit: Franceinfo. Përshtatur nga Tirana Today
