Report Tv ka siguruar një video ekskluzive të një vjedhje të ndodhur më 23 shkurt të vitit 2019 në fshatit Mengel të Elbasanit ku tre persona të maskuar dhe me leva hynë në një shtëpi, ku në katin e parë shërbente si restorant, dhe vodhën 3 milion lekë nga një kasafortë në dhomën e gjumit.
Hajdutët kanë hyrë qetësisht duke hapur derën kryesore të shtëpisë, kanë kaluar në oborr, kanë hipur nga çatia e katit të parë (pjesës së shkëputur të restorantit ku ndodheshin familjarët) dhe në katin e dytë kanë marrë kasafortën me para, për të cilët duket se kishin dijeni që ndodhej në dhomën e gjumit, pasi janë drejtuar direkt në atë pjesë të shtëpisë.
Pronari, Kastriot Puka dhe bashkëshortja e tij ndodheshin në katin e parë, në kuzhinën e restorantit, dhe nuk i kanë ndjerë hajdutët për shkak se kishte zhurma.
Pas ngjarjes policia arriti të krijojë një identitet të njërit prej autoreve, por deri më tani ende asnjeri prej tyre nuk është arrestuar.
Ngjarja:
Rreth orës 20:00 të mbrëmjes së 23 shkurtit në fshatin Mengël të Elbasanit, janë grabitur në banesën e një biznesmeni rreth 30 milionë lekë të vjetra. Shtëpia dy katëshe është në pronësi të Kastriot Pukës, ku kati i dytë shërben për banim, ndërsa kati i parë është restorant ku familja edhe punonte. Në momentin e vjedhjes nuk ka qenë i pranishëm asnjë person.
Autorët dyshohet të kenë qenë tre persona dhe të maskuar. Kanë mundur të hyjnë në dhomën ku pronari i shtëpisë mbante në një kasafortë të ardhurat nga biznesi dhe të marrin me vete kasafortën me para.
Policia ka sekuestruar pamjet filmike dhe ka nisur punën për mbledhjen e provave. Dyshimet e para të policisë janë tek persona që kanë njohje me familjen pasi gjithçka ka ndodhur brenda pak minutave dhe autorët kanë pasur dijeni të saktë në lidhje me vendin ku ishin vendosur paratë duke mos kontrolluar në asnjë nga dhomat e tjera të katit të dytë,por duke shkuar menjëherë tek dhoma ku ishte kasaforta.
