Rajoni i Lombardisë është vendi më i prekur nga koronavirusi në Itali, duke shënuar me mijëra viktima.
Shumë vende nga Evropa dhe jo vetëm i kanë ardhur në ndihmë vendit fqinj, i cili deri para pak kohësh ishte vendi më i prekur nga COVID-19 në botë.
Ndërkohë ditën e sotme, Lombardia ka publikuar një video me anë të së cilës i ka shprehur falënderimet të gjitha vendeve që i ofruan ndihmë.
Aktualisht, Lombardia është rajoni me më shumë fatalitete për koronavirusin në Evropë. Në videon e shpërndarë ndodhet edhe vendi ynë, i cili dërgoi në Itali 30 mjekë dhe infermierë.
Ndër shtetet që kontribuuan sadopak përveç Shqipërisë ishin edhe Australia, Kina, Koreja e Jugut, Kuba, Izraeli, Novegjia, Polonia, Republika Çeke, Rumania, Rusia, Amerika, Zvicra, Tunizia, dhe Ukraina.
Kujtojmë se edhe 60 infermierë të tjerë u nisën sot drejt Italisë, për të dhënë kontributin e tyre në lidhje me situatën e krijuar nga koronavirusi.
Jo të gjithë infermierët që janë nisur drejt Italisë kanë qenë të punësuar aktiv. Pritet që ata të trajnohen për disa ditë në Itali, ndërsa më pas do të nisin punën në spitalet COVID-19.
