Video/ Kosova e papërmbajtshme, “poker” golash ndaj Lituanisë

Kosova ka arritur një fitore bindëse me “poker” me rezultatin 4-0 ndaj Lituanisë, në miqësoren e luajtur mbrëmjen e sotme përpara ndeshjeve të Kualifikuesve të Botërorit “Katar 2022”.

Për skuadrën “dardane” realizuan dy herë Zeneli dhe më pas Muriqi dhe Halimi.

Përfaqësuesja e drejtuar nga Bernard Shaland duket se është në formë mjaft të mirë përpara ndeshjeve të eliminatoreve të Kupës së Botës ku do të përballet ndaj Suedisë në 28 mars dhe më pas më 31 mars ndaj Spanjës.