Forcat e policisë janë përplasur me qytetarë sot në rrugën Dhimitër Shuteriqi në Tiranë, pas një urdhri për shembjen e banesës së dy familjeve. Këto të fundit janë konfrontuar me policinë, duke tentuar që të mos lejojnë shembjen e banesave.
Madje, policia ka shoqëruar dy persona, atë e bir, ndërsa një grua, bashkëshortja dhe nëna e të shoqëruarve ka tentuar të hapë derën e furgonit të policisë.
Vetë policët e kanë penguar gruan, derisa njëri prej tyre e shtyn me forcë duke e rrëzuar atë.
Policia është larguar, ndërsa gruaja nuk është ndjerë mirë. E gjithë skena është filmuar edhe nga mediat që kanë qenë të pranishme, ndërsa qytetarët kanë dënuar forcën e përdorur ndaj zonjës, duke thirrur me fjalët “Turp!”.
Më poshtë momenti i përplasjes së gruas me policët, marrë nga JOQ:
