Qindra emigrantë të Amerikës Qendrore kanë arritur në qytetin kufitar meksikan të Tijuanë.
Këta emigrantë kanë udhëtuar përmes Meksikës për të kërkuar azil në SHBA.
Grupi prej 400 emigrantësh, që përfshinë emigrantët LGBTQ, u largua nga karvani më i madh i 5000 njerëzve në Mexico City.
Britanikja “BBC” shkruan se sekretari i Mbrojtjes i SHBA-ve, James Mattis, tha se do të shkonte në kufirin SHBA-Meksikë të mërkurën, vizita e tij e parë që nga vendosja e mijëra trupave.
Ndërsa, po sipas BBC, grupet më të mëdha pritet të mbërrijnë në kufi në ditët në vijim.
Rreth 5.000 emigrantë, të cilët thonë se po ikin nga përndjekja, varfëria dhe dhuna në vendet e tyre: Honduras, Guatemalë dhe El Salvador – e kanë bërë më së shumti udhëtimin e tyre në këmbë.
Ndërsa grupi i shkëputur, i cili arriti në Tijuana të martën, i është bashkuar një grupi më të vogël prej rreth 80 emigrantësh që arritën në qytetin kufitar të dielën.
