Prej ditës së sotme, në Shqipëri po përdoren testet e shpejta, ku përgjigja për një pacient nëse është apo jo i prekur nga Covid-19, del brenda 30 minutave.
Kryeministri Edi Rama, ka publikuar një video në rrjetet sociale, ku tregohet mënyra e aplikimit të testeve të shpejta anti-Covid Tiranë.
Në video shfaqen punonjësit shëndetësorë, që shkojnë në një vatër infeksioni, kryejnë testet e shpejta dhe iu japin përgjigjen personave brenda 15-30 minutave.
Postimi i Ramës në Facebook
”Që prej mbrëmjes së 8 Marsit, epidemiologët po bëjnë një punë të jashtëzakonshme në terren për hetimin dhe testimin e qytetarëve të dyshuar për covid19. Siç u zotuam, testimi i shpejtë ka nisur në Tiranë nga ekipet e epidemiologëve të terrenit, duke rritur aksesin për qytetarët për testimin në kohë dhe të sigurt. Së shpejti, hapen disa pika në qendra shëndetësore për testimin me rezervim pranë mjekut të familjes.’’
Në 24 orët e fundit, në vend u regjistruan 695 raste të reja me Covid-19, dhe 17 viktima.
“Aktualisht në 4 spitalet COVID, po trajtohen 463 pacientë, 37 në terapi intensive, 9 pacientë janë të intubuar.”
