Ish-Presidenti i Shteteve të Bashkuara të Amerikës, Bill Clinton, ka mbërritur sot në Kosovë. Vizita e Clinton përkon me rastin e 20-vjetorit të çlirimit dhe hyrjes së trupave të NATO-s në Kosovë.
Miku më i madh i shqiptarëve është pritur nga Ministri i Jashtëm i Kosovës, Behgjet Pacolli.
“Mirësevini sërish Bill Clinton! Kosova është sot historia juaj e suksesshme e ndërtimit të shtetit. Udhëheqja juaj 20 vite më parë kundër tiranisë në favor të lirisë dhe demokracisë ishte vendimtare për të hapur një kapitull të ri në historinë njerëzore. Ju i dhatë politikës ndërkombëtare një dimension njerëzor”, shkruan Pacolli në fotot e publikuara në Twitter.
Welcome back President @BillClinton! #Kosovo is today your successful state-building story. Your leadership 20 years ago against tiranny in favor of freedom and democracy was crucial to open a new chapter in human history. You gave international law & politics a human dimension. pic.twitter.com/EvVmR1vUFA
— Behgjet Pacolli (@pacollibehgjet) June 11, 2019
Gjatë vizitës së tij, Clinton do të takohet me Presidentin e Kosovës, Hashim Thaçin dhe më pas edhe me Kryeministrin Ramush Haradinaj.
Gjatë takimeve, Clinton edhe do të dekorohet.
https://www.facebook.com/KlanKosovaOfficial1/videos/842057436173342/?t=0
