Historia e saj ngjan me atë të filmit “Taken” me Liam Neeson, por është reale. Meksikania Miriam Martinez bëri gjithçka për të gjetur dhe ndëshkuar vrasësit e vajzës së saj Karen.
20-vjeçarja u zhduk papritur në vitin 2012. Për disa javë, Miriam mori disa telefonata kërcënuese, apo edhe kërkesa për para në këmbim që kthimit të së bijës.
Por ato ishin premtime të rreme. Eshtrat e Karen u gjetën në një fermë të braktisur në vitin 2014. Edhe pse e dërrmuar nga dhimbja, Miriam vendosi t’i gjejë vetë vrasësit e vajzës.
Për 3 vite ajo përdori armët, dhe çdo lloj maskimi për të ndjekur ata që rrëmbyen dhe vranë fëmijën e saj. Në një rast Miriam gjeti dhe ndaloi një nga vrasësit e vajzës së saj në Teksas.
Në total, ajo pati rol në kapjen e 10 kriminelëve. Martinez u bë aktiviste e shoqatës së “Prindërve të Fëmijëve të Zhdukur”. Por hakmarrja e krimit nuk do vononte. Miriam u qëllua 12 herë nga persona të armatosur që hynë në shtëpinë e saj më 10 maj 2017. Ajo vdiq rrugës për në spital.
TIRANA TODAY
