Gazetarja Anila Hoxha ka shpërndarë së fundmi një video në rrjetet sociale përkrah Albert Veliut, i njohur si “Babalja”. Ajo thotë se në atë video është duke e bindur “Babalen” që të japë një intervistë, por sipas gazetares, video është bërë nga agjentë të Policisë së Shtetit.
Anila madje ironizon më tej agjentët e policisë, ku sipas saj, ata kanë nevojë urgjentisht për trajnim. Gazetarja tallet më tej se ata rinë e hanë fara, qëndrojnë grumbull, duke mos ditur të manovrojnë kur të tjerët i kuptojnë.
Komenti i plotë i gazetares së “Top Channel”:
“E kam ditur dhe e kam thënë gjithmonë që çunat e vëzhgimit, infiltrimit, agjentët civilë e ku e di unë, kanë nevojë urgjente për trajnim. Këtu jam unë me “Babalen”, duke e bindur për intervistë, por që isha shumë e qartë, se unë dhe ai nuk ishim vetëm…
- Çuna, atë çantën krahe qafe hiqeni se zbuloheni që përtej që jeni policë
2. Mjaft duke ngrënë fara
3. Mos qëndroni grumbull
4. Mos bëni sikur po dëgjoni një barsaletë, dhe sytë i keni gjetkë
Përqafime.
