Kryedemokrati Basha nuk i njeh të gjithë ministrat e qeverisë Rama me emër dhe mbiemër. Teksa ndodhej në hyrje të sheshit “Skënderbej”, gazetarja ka marrë në mënyrë të rastësishme në vox-pop edhe kryetarin e Partisë Demokratike, Lulzim Basha. Kjo video është shfaqur në emisionin “Opinion” në Tv Klan, ku Basha zbulon se ai nuk i njeh me emër dhe mbiemër ministrat. Ndonëse shan qeverinë, se ata janë të lidhur me krimin e organizuar, trafikun e drogës dhe korrupsionit, Basha ka ngelur në ‘klasë’ referuar identitetit të ministrave.
Gazetarja: Kë njihni nga ministrat në foto?
Lulzim Basha: Të gjithë.
Gazetarja: Të gjithë?
Lulzim Basha: Sigurisht.
Gazetarja: Cilin?
Lulzim Basha: Ju e dini që i njoh të gjithë apo jo? Keni dalë që të pyesni njerëzit. Prit tani që të jemi të saktë. Me emër dhe mbiemër nuk i njoh të gjithë as unë.
