Futbollisti shqiptar, Eros Grezda pritet që të ndëshkohet rëndë nga federata kroate, pasi ka goditur me grusht sulmuesin serb, Antonio Mirko Çolak.
Sherri mes tyre nisi që në ndeshjen mes Osijekut dhe Rijekës, por si duket lojtari shqiptar nuk është mjaftuar me kaq, pasi e ka pritur atë jashtë dhe e ka sulmuar.
Ngjarja u regjistrua nga kamerat e sigurisë së parkingut të stadiumit “Rujevica”, ku Rijeka luan sfidat e saj. Grezda pretendon se gjatë sfidës ai e kishte ofenduar nga familja dhe etnia.
Siç shihet edhe në video, ka qenë ndërhyrja e personave të tjerë të pranishëm ajo që ka bërë që përleshja të mos përfundonte më keq.
Takimi përfundoi me fitoren e skuadrës vendëse me shifrat 3-2, që ka përmbysur epërsinë e skuadrës së Grezdës, e cila mbeti me 10 lojtarë pas avantazhit 2-0.
