Presidenti Ilir Meta ka publikuar një video nga bregdeti i Durrësit, teksa shkruan se po stërvitet për fitoren e 10-të radhazi të kampionatit skocez nga Celtic.
Në postimin e tij në Twitter, Meta iu uron një të diel të shkëlqyer të gjithë miqve keltë, ndërsa i fton të vizitojnë Shqipërinë për pushime verore.
Today in Durrës, training for our 10th Premiership Champions in a row!
Flaming hugs for all my Celt friends and have a great Sunday!
You are welcomed to visit beautiful Albania🇦🇱 for the summer holidays! I promise you won’t be disappointed!
Hail Hail! 🍀🍀#CelticFC 💚 pic.twitter.com/9gdAs8Smmd— Ilir Meta (@ilirmetazyrtar) June 7, 2020
Mirëpo ky postim i kreut të shtetit nuk ka kaluar pa u vënë re edhe nga mediat skoceze, të cilat shkruajnë se “Presidenti i Shqipërisë stërvitet për fitoren e 10 radhazi të kampionatit skocez nga Celtic”.
“The Celtic Star” që ndiqet nga miliona lexues në mbarë botën, i ka kushtuar vëmendje të madhe postimit të veçantë të presidentit Meta në Twitter.
“Presidenti i Shqipërisë, Ilir Meta, ka qenë një tifoz i madh i Celtic qysh kur Rudi Vata luajti për këtë klub. Ai ka përvetësuar vlerat dhe identitetin e ekipit dhe shikon çdo ndeshje me fanatizëm. Meta gjithashtu poston plot pasion për të gjitha gjërat e Celtic, teksa drejton vendin dhe zgjidh punët aktuale! Sot, në Durrës, Presidenti Meta vrapoi buzë detit në një fanellë keltike duke bërë një gjest me duar – dhjetë, duke nënkuptuar edhe fitoren e 10 radhazi të kampionatit nga Celtic FC”, shkruan gazeta e njohur.
