Rama ka publikuar pamjet nga kantieri i Sheshit “Shqiponja”, ku po zhvillohen punimet për rimodelimin e hyrjes së Tiranës. Kryeministri njofton qytetarët se në këtë kantier po punohet 24 orë, për të ndërtuar rrugën që do të lehtësojë qarkullimin e mjeteve në kryeqytet. Nëpërmjet një statusi në rrjetin social “Facebook”, kreu i qeverisë bën me dije se janë realizuar rreth 42% e punimeve.
Statusi
MIRËMËNGJES
dhe me këto pamje nga zemra e “Shqiponjës”, ku po hapen ditë-natë arteriet që do lehtësojnë ndjeshëm qarkullimin në hyrje të Tiranës, si edhe do t’i japin një pamje spektakolare portës hyrëse të kryeqytetit të Shqipërisë, ju uroj një ditë të mbarë.
