Kanë kaluar 2 vjet nga aksidenti i rëndë ku ndërruan jetë dy të rinj shqiptarë motër dhe vëlla si dhe miku i tyre italian, por sipas mediave italiajne ngjarja ka lënë plagë të thella në zemrën e të familjarëve, shkruan Tirana Today.
Nëna e dy të rinjve shqiptarë motër e vëlla, Daniela dhe Antonio Ago, ka një dhimbje të madhe në zemër. Por, nga ana tjetër ajo është shumë e zemëruar dhe nuk mund ta pranojë aktgjykimin e një gjyqtari. Tre vjet burg, katër vjet pezullim të licencës: është dënimi i dhënë nga Gjykata e Bergamos për 42-vjeçar i cili janar të vitit 2016, në autostradën A4, përplasi mjetin e të riut italian mik i dy shqiptarëve Alberto Casagrande, 23 vjet. Ai bashkë me Antonio dhe Daniela Ago, 23 dhe 21 vjet gjetën vdekjen nga aksidenti i rëndë, shkruan Tirana Today.
Dënimi i lëshuar ndaj 42-vjeçarit italian është i papranuar nga familjet e të rinjve që gjeten vdekjen e menjëhershme. Prokurori kishte kërkuar një maksimum dënimi prej 4 vjet dhe gjashtë muaj, por kjo kërkesë u rrëzua dhe autor u dënua me 3 vjet burg. Zhgënjimi dhe zemërimi është shumë i madh për prindërit e dy të rinjve shqiptarë motor dhe vëlla, Antonio dhe Daniela Ago, të cilët vdiqën në aksident.
Njëzet vjet më parë familja kishte shkuar në Itali nga Shqipëria në kërkim të një jete më të mirë; si rezultat i atij aksidenti, prindërit kanë humbur të gjitha arsyet për jetë. Natën e 29 janarit tre të rinj, humbën jetën në aksidentin tragjik në aksin Milano- Brescia. Një furgon përplasi makinën e tyre duke shkaktuar humbjen e tre personave që ndodheshin në makinën tip Suzuki.
Në një moment ata kanë ndaluar për të parë një tjetër aksident që kishte ndodhur më parë kur makina e tyre është përplasur nga një furgon. Motër e vëlla, Daniela dhe Antonio Ago, dhe miku i tyre Alberto Casagrande humbën jetën menjëherë në autostradën A4 Milano- Brescia.
Italiani i cili drejtonte fugonin u ka shkuar në shtëpi të dy familjeve të viktimave duke u kërkuar falje, por për prindërit që humbën fëmijët e tyre në atë aksidentin e tmerrshëm, e kanë shumë të vështirë të flasin. Tani dënimi është lëshuar, dhe sipas prindërve është shumë i ulët. TIRANA TODAY
