Vera do të jetë “e nxehtë” për Elseid Hysajn, emri i të cilit është ndër më të përfolurit në merkato. Por në pritje për të mësuar të ardhmen e tij, Hysaj ka hedhur një tjetër hap të rëndësishëm në jetën e tij private.
Mbrojtësi i kombëtares së Shqipërisë i dha fund beqarisë me një ceremoni martesore spektakolare të zhvilluar në Shkodër, në kalanë Rozafa.
Pas celebrimit në kalanë e Rozafës, festimet vijuan me darkën zyrtare ku ishin të ftuar më shumë se 500 persona. Nuk mungonin futbollistët e tjerë të kombëtares së Shqipërisë, por ata të Napolit, ku luan edhe Hysaj.
Pavarësisht larg vëmendjes mediatike, kanë qenë pikërisht të ftuarit, që me anë të postimeve në rrjetet sociale zbuluan disa detaje nga dasma përrallore e Elseid Hysaj.
